| 冠男's profileINCOMPLETEPhotosBlogLists |  Tools  Help |
回家 细数今个假期,原来真系无几多日留系屋企,周围去,过年翻到黎,发现假期都已经差唔多过完了.
青岛:地方干净,环境幽静,生活朴素.
听司机大哥讲,青岛大概有5万韩国人居住同开厂房,而且每逢周末都会有一大班韩国人坐一个钟头飞机过黎青岛打golf.可能正因为如此,成个青岛受韩国人影响好大,大街马路上广告,门牌都系中文同韩文对照,英文就甚少.就连小朋友在当地读书都要学韩语.环境,建筑,习惯都好有韩国feel,简直就好似半个韩国.而且,青岛人生活好悠闲,朴素,对人热情又善良,系无落雪噶青岛逗留左两日,我已经有少少喜欢呢个地方.不过,面对新鲜生猛美味海鲜的我一时失去控制,搞到中毒添.
泰国真系好玩,有预期效果.但系跟旅行团就会把成个旅程搞得太商业化,咩都同个导游利益有关,唉~假如签证方便,自由行一定会更完美!话分两头,跟团又有其它好处,可以去到一D自己去唔到或者唔识去D地方,了解一D自己唔熟悉的文化.而且,识左一班好好玩的团友~哈哈!
可能热气,翻黎到移家都喉咙痛,唔知要点先好得翻呢~不过新年我又几旺喔,场场麻将都有得赢,爽啊!!哈哈!! 海纳百川 有胸怀先会成功,因为胸宽则能容,能容则众归,众归则才聚,才聚则兴业.真正要得到理想的成功,必须拥有海纳百川的胸襟和气概!
务实--接受无法改变的现实,不怨天尤人.
宽恕--有度量容忍他人的缺点.
自律--懂得控制自己的情绪.
尊重--允许别人表达或保留不同意见.
涵养--荣辱不惊,置得失于度外.
真的没错,有容德乃大,无求品自高!如果可以在生活中拥有宽广的胸怀,便能活得从容.
记着,有勇气改变可以改变的,有胸怀接受不可改变的,有智慧分辨两者的不同! 刺激 本来一早就想写低果日去长隆玩噶感觉,不过一玩完第日又要走,所以等到移家添!!
"Fing",一去到就坐洗衣机黎"Fing",大家仲要话当warm up添!"Fing"完落翻黎真系晕晕地噶播!!热身后就走去玩摩托过山车.坐上去果时真系好惊.Individually,我好几年无玩过甘刺激噶野,对上一次系好细个果时,我记得我果时系阿妈陪我玩,好惊,就黎惊到喊出黎,跟住以后都无玩了,直到07年1月15号!!喂有真系好有速度感喔,好快,快到连水平加速都会有离心力,爽啊!即刻上瘾,转头又玩多次!!
落左摩托大家都好兴奋,之后就无有怕,胆粗粗甘一齐去挑战十环过山车!!!!唉,出事~
过山车升到好高,坐车头第一个位噶我同小敏望到下面,突然之间觉得后悔了~~~~~~"啊~~~啊~~~~啊~~啊~~!"一连串惨叫声震撼长隆欢乐世界!大斜波高速下滑然后进入一个向前360度,落黎之后"Fing"两个急弯+离心,跟住加速下滑上黎再黎一个向前360度!当时其他人点我唔知,而我同小敏就哎到声嘶力竭:"救命啊!!!""唔玩喇!!!!""妈妈啊!!!""走喇!!""报警啊!!!!"~阴功~360度落黎后仲未完喔,一个急弯跟住黎个侧方向360度,小斜波离心之后进入尾声---连续唔知到底几多个侧方向360度,"Fing"到头痛!! 到左最后果几个360度同埋转弯,车上噶我地其实已经都哎唔出声,个个都无晒知觉,头晕脑涨,简直就肉随针板上,任其乱"Fing"了~
玩完落黎,个个都面无表情,面色苍白,我发觉我自己已经行唔到直线了.有一两个同学仲要呕添~~唉,只怪我们太嚣张!!
休息时间,大家玩下木马,食下野,吹下水,一个钟后,大家状态似乎恢复好几成,于是就无有识死地继续去玩,呢次轮到传说中噶"U型滑板"!听玩过噶人翻黎讲,U型滑板系长隆最恐怖噶游戏.未见之前已经受到不少恐吓,心自然腾腾震. 行到U型下面,望上去,哇~~~~~好高!!!睇人地玩,发觉越睇越惊,脚都震埋!!!死啦,唔玩?唔得!之前同班女仔"嗷"到"衡",话要玩晒全部最激噶游戏,如果轮到最后一个先唔玩,我颜面何存啊?!唔得唔得!于是我就坐左上去~~~~~~机器起动刹那,我想跳翻落黎啊~~~~妈妈~~~~~ 上~~落~~上~~落~~~ 40秒过后,终于玩完,但系好意外,我发觉完全唔惊!!跟住马上又玩多次,爽!!感觉同大家唔同,因为我觉得自己真系唔惊U型咯~
下午4点几,大家都玩到好累,惟有拖住身躯,行尸走肉般离开长隆.
甘就完啦?!!?!长隆边有甘轻易放过我地吖!第二日朝早,思励发短信黎:"我今日成身酸痛啊~~"坤仔同我讲:"寻晚成晚训唔着,一合埋眼就系高速下滑!"
不过总体感觉,我还是觉得好刺激,已经算系挑战左我自己~哈哈!!
(拿拿拿,振华兄.赵昕,都叫左你地一齐黎噶啦,正啦简直!!) 有过去的 考完试,不过呢次真系面临唔合格的危险了~~电子化人力资源啊!!!!救命!!唔知点解考试果时"什什"下,咩都唔识,林唔到,考完出黎又有翻印象,唉,死啦,选择题识一半,名词解释识做一半,简答题唔确定,计算题三题做错左两题,最后论述题20分唔识做,唉!!!越林越心寒,死得啦~唔好唔合格啊求下你!!!!!
其实讲到复习考试呢样野,每个人真系有差距:睇阿肥坚,平时唔听课,但系到复习考试就可以完全投入,将书本内容入晒脑,然后仲要可以将记得的内容梳理清楚,问咩问题都好,只要系书本出现过的,距都可以有条理地答翻出黎,佩服!所以人地系二等奖学金.总结:一定要有一种毅力,专心逼自己复习,就算眼训都要顶住!! 另外阿飞呢,就系平时听课认真,将课堂上面的思想和内容完全理解,然后再睇下书,做到一种境界:吸收!甘样,到考试的话,只要随便睇睇书,remind自己脑里面D知识,就算答出黎唔似肥坚甘书本化,都一样可以凭答案内的思想得到高分,劲!!所以呢个人有一等奖学金.总结:吸收知识,整理思想内容!
高手就系高手.睇翻我自己,唉,就系缺少一种坚持,坚持去将书本的内容睇完同埋去记熟,然后再去花时间整理,所谓将书由厚读到薄.会过去的,亦会有下一次!我唔奢望短时间内去到阿飞果种境界,我只要求自己要有一种毅力,承载着我去"攻关"!
唔好唔合格啊唔该~下次唔敢啦~~~ 2007 2007年,首先祝自己新年开心,事事顺利,身体健康,英俊潇洒,哈哈!!!!
30号系一个几得意噶日子,因为大家见到讲野噶时候都会用上一句:"今年最后一次**!"搞到个个讲野都好鬼烦,长气~当晚自己班搞个晚会真系几好玩,仲听过末段好感人添~!不过今年元旦无得去玩吖,要复习考试了!
曾经去想过总结过去一年噶自己,但发觉自己还算渺小,根本没有什么算得上代表作,惟独考左个车牌甘大把!
唔紧要,2007,要有目标,有勇气去改变可改变的,有胸怀去接受不可改变的,有智慧去分辨两者的不同!
大丈夫 前晚睇左部电影<大丈夫2>,哇好搞笑!
系咯,点解男人要出去滚呢??唔通真系:"唔赌唔知时运高,唔滚唔知身体好"?
甘女人呢?女人出去滚,又系唔系要证明:"女人唔滚,男人唔紧"呢?
其实大家都系有需要,同样有一种新鲜感的需要,但大部分男人都唔觉得guilty.点解??因为我地系"大丈夫"?!其实系我地责任感远比不上女人!如果出去滚果时多D林林自己个女人,时刻负担起果份责任,我林我地就唔会甘中意滚,而且身体一样甘好添!!
(不过我呢排身体就的确唔系甘好啦,感冒左成个月有多啦,都未好翻晒~唔通真系要滚下先得?!哈哈) 失去重心 忽然之间,考完TOEIC之后,发现自己系学校的日子里失去了重心.
看着舍友们都在努力地准备六级,我仿佛觉得有点空虚:TOEIC又考了,学生会和班里也没有活动了,又没有什么项目了~唉,不知道该干些什么!在宿舍对着电脑,挣扎着要拿起书本,想提早准备期末考,却发现老师的考试大纲和资料还没到,不知从何处入手.
顿时,发现这种迷茫的感觉很可怕!
这星期我托林嘉欣帮我买了一本书,李开复--<做最好的自己>(读了前两章,很实际,发现得益非浅),为我填了些空白的时间,但还是感到不妥,总是在跟自己说:大佬,你现在不是放假啊~
天啊~~我能干什么啊?!
"睇黎系时候为自己幸福着想下喇~"
我要积极,不要去等,因为我知道越等越心慌,就像李开复那样,生活学习工作都要懂得积极,才能为自己打算!!!好!相信自己,我要重新回到我的航线上,继续努力!!!一切就从今晚看完电影之后开始吧! 搞店 上午11点半到晚上11点半,顶住寒风,终于完成百歌.
哇顶寻日真系好大风,全身比风吹到冰晒,如果可以测当时体温,我林我可能唔会超过36度.真阴功~不过搞灯光又几好玩喔,有时可以控制住个追光灯射黎射去,有可以系控制台点个灯光师光D暗D快D慢,不过跑黎跑去就辛苦左D!都好,好过阿东,成晚做民工!哈哈!(东少我知你会上黎INCOMPLETE噶~~咔咔)
依然又系05人力冠军,比距地成功卫冕.不过可惜就系04会计,跳得好吖,不过就因为一个出奇的评分,搞到由大热变到连奖都无得罗~!
之后就去背岗村消夜.赵翔依然系甘豪,罗住酒杯"过关斩将",来者不拒,有几多杀几多!而我就一于好少理,食野填饱我无食晚饭噶肚先,而且忍辱负众,系非必要情况下我只饮可乐,因为自上次一役后,我唔敢再冲动.个几钟头后,不胜酒力的我同大佬先行退场了.点知出到门口,发现05级D高层已经醉左3件,一女两男,仲要唔肯走添,又话要照顾呢个照顾果个~唉,同靳老师距地饮,你们还嫩呢!
翻到宿舍训落床同大佬吹左一阵水,发现自己确实路还很远~ Finale 点解华润无晒冻肉卖啊~~仲听讲你要搬去广大添,唉,甘以后我地点算啊?!!We need you~~~~~~
死啦,如果D超市真系以后都无冻肉同蔬菜卖,我地宿舍打边炉噶日子咪要结束?!去背岗村买又唔放心,惊唔干净~无啦无啦,呢次比人断晒米路啦阴功~~~!惟有睇住个边炉锅一日又一日甘生锈啦唉~!
天下无不散之宴席! Never Hit The Bottle Again 真的怕了~记忆中我真系未试过饮到要呕,未试过醉完之后甘辛苦,未试过饮到胃痛~可能我D quota真系用晒啦!唉,以后唔酗酒了!
11月29号晚,安仔生日,成班"麻肋" 佬出去消夜庆祝.首先一瓶39'C噶湘泉,哇~饮到热血沸腾!唔到一个钟,大家互"队"几杯就解决左瓶白酒了.跟住落黎咪饮啤酒咯.由于安仔生日,我地就唔要命甘陪距饮,我仲同距做partner,办晒挨义气甘同距"队"左不知数杯,还好,顶得住~之后,由于原来果种牌子的啤酒都比我地饮晒,惟有饮另一只牌子~弊!黎啦~数杯落肚,不到1小时开始晕妥妥,行唔到直线~!!可能由于沟左3种酒的关系,翻到宿舍终于呕左~~~~
第朝起身,发现根本酒意未散,晕妥妥,而且仲好想呕,但系又无野呕!于是再训~再醒~再训!!!直到晚上7点,依然好唔舒服,好辛苦,林到啤酒D味就想呕!食野落去又胃痛,而且好似唔识消化甘!一直到晚上,个胃都令我难以入睡~~唉!!
12月1号起身,我已经27小时无食过饭,但唔觉得肚饿,可能因为个胃已经唔识消化,坏左!!!!弊喇~死啦~~!马上食胃药!直到上左火车,先开始有好转,翻到公司,我终于可以食我2日来第一碗面!!!!So,那刹一那,我感觉到:I'm back!!
睇黎我又经历左我又一个第一次,唉~~~以后都要记住了,唔可以太冲动,一定要控制好自己,never hit the bottle again!! |
INCOMPLETE多得有你,你,你,同埋你!!
|
|||
|
|
